Физика-математика факультети
Физика-математика факультети

Кафедралар

Әмелий математика
Функционал анализ, алгебра ҳәм геометрия
Математикалық анализ ҳәм дифференциаллык теңлемелер
Электро энергетика
Улыўма физика
Ярым өткизгишлер физикасы


Әҳмийетли

www.gov.uz
O'zbekiston Respublikasi Hukumat portali
www.press-service.uz
O'zbekiston Respublikasi Prezidenti matbuot xizmati
www.uza.uz
O'zbekiston milliy axborot agentligi
www.edu.uz
Oliy va o'rta maxsus ta'lim vazirligi
www.ziyonet.uz
O'zbekiston Respublikasi Axborot ta'lim tarmog'i

 

ФУНКЦИОНАЛЛЫҚ АНАЛИЗ, АЛГЕБРА ҲӘМ ГЕОМЕТРИЯ КАФЕДРАСЫ

Кафедра баслыгы: Кудайбергенов Каримберген
Адрес: Нөкис қаласы, Ч. Абдиров көшеси, №1
Телефон:  
E-mail: This email address is being protected from spambots. You need JavaScript enabled to view it.

Ҳәзирги күнде математиканың кеңнен раўажланып атырған бағдарларынан бири болған функционаллық анализ бағдарын республикамызда да раўажландырыў мақсетинде 2008-жылы университетте функционаллық анализ кафедрасы ашылды.

Бүгинги күнде кафедрада 8 профессор-оқытыўшы толық штатта жумыс ислеп, олардың ишинде 1 илим докторы, 3 илим кандидатлары, доцентлер бар.

Ҳәзирги күнде университет басшылары тәрепинен студентлерге жоқары дәрежеде билим ҳәм тәрбия бериў ушын барлық шәрт-шәраятлар жаратылмақта. Республикамыздың көзге көринген жетекши илимпазларынан Мырза Улуғбек атындағы Өзбекстан Миллий Университети Математика институты директоры академик Ш.А.Аюповсаатпай есабында кафедрада жумыс ислеп, ҳәр жылы физика-математика факультети зийрек студентлерине лекциялар оқыў ушын шақырылмақта. Соның менен бирге университеттиң оқыў ислери бойынша проректоры доцент М.М. Ибрагимов 0,5 штатта жумыс ислеп, функционаллық анализ пәнинен жаңа педагогикалық ҳәм информациялық технологиялардан пайдаланып инглиз тилинде лекциялар оқып атыр.

Кафедра тəрепинен оқытылатуғын пәнлер төмендегише: бакалавр бағдарлары ушын: функционалылқ анализ, итималлықлар теориясы ҳəм математикалық статистика, функционаллық анализдиң таңламалы баплары, техника, химия ҳәм химиялық технология ҳəм тəбият-таныў факультетлеринде жоқары математика пәни өтиледи.

Магистратура қәнигелиги ушын топология ҳәм дифференциалланыўшы көпобразлықлар теориясы, абстракт алгебра, функционаллық анализдиң таңламалы баплары, операторлар теориясы пәнлери өтиледи.

Университетимизде функционаллық анализ бағдарының раўажланыўы М. Ибрагимовтың басламасында болды. Ол 2000-жылы Ташкент қаласында функционаллық анализ бағдары бойынша кандидатлық диссертациясын қорғағаннан соң, университеттиң математика тәлим бағдары ҳәм математикалық анализ қәнигелиги зийрек студентлерин сайлап алып, олар менен ислесе баслады. Бул жумыслардың нәтийжесинде 2004-жылы С. Тлеўмуратов, 2006-жылы А. Арзиев, Ж. Сейпуллаев, Т. Қаландаров, 2007-жылы Р. Жиемуратов, 2008-жылы Т. Курбанбаев, Б. Нуржанов, 2010-жылы А. Алауадиновлар Өзбекстан Республикасы Илимлер Академиясы Математика институтының академик Ш.А.Аюпов басқарып турған Алгебра ҳәм анализ бөлимине аспирантураға кирди. Ол жерде бул аспирантлардың барлығы өзиниң илимге болған қәбилетин көрсетип, көп ғана илимий жетискенликлерге еристи.

2009-жыл 26-ноябрьде Сейпуллаев Жумабек «Геометрические свойства единичных шаров сильно гранево симметричных пространств конечного ранга» темасындағы ҳәм Арзиев Аллабай «Спектральное разложение ограниченныхоператоров в модулях капланского гильбертанад кольцом измеримых функций» темасындағы кандидатлық жумысын Мырза Улуғбек атындағы Өзбекстан Миллий Университети жанындағы қәнигелестирилген кеңесте қорғады.

2010-жыл 15-декабрде Жиемуратов Рзамурат «Топологические и категорные свойства пространства нелинейных -гладких функционалов» темасындағы темасындағы кандидатлық жумысын Өзбекстан Илимлер Академиясы Математика институты жанындағы қәнигелестирилген кеңесте қорғады.

2011-жыл 14-декабрде Курбанбаев Туўелбай «Классификация алгебр Лейбница малых размерностей над полем р-адических чисел» темасындағы темасындағы кандидатлық жумысын Өзбекстан Илимлер Академиясы Математика институты жанындағы қәнигелестирилген кеңесте қорғады.

Және де академик Ш.А.Аюповтың басшылығында аспирантурада болған Б. Нуржанов 2013-жылы Кытай Илимлер Академиясы Математика Институтына докторантураға түсти.

Кафедрада «Операторлар алгебралары ҳəм оның қолланыўлары» атамасында ҳəр ҳəптениң сəршемби күни кафедра оқытыўшылары ҳəм зийрек студентелердиң қатнасыўында семинар өткериледи.

2010-жылы Ш.А. Аюпов, М.М.Ибрагимов ҳəм К.Кудайбергеновлердиң авторлығында «Funksional analizden misol va masalalar» оқыўлық қолланбасы «Жылдың ең жақсы оқыўлығы ҳәм оқыў әдебияты» таңлаўында сыйлықлы екинши орынды алды.

Функционаллық анализ кафедрасы ағзалары төмендеги диссертацияларға рәсмий оппонент болды. 2004-жылы М.Ибрагимов Өзбекстан Илимлер Академиясы Математика институты илимий хызметкери А.Заитовтың кандидатлық диссертациясы рәсмий оппоненти, 2006-жылы М.Ибрагимов Өзбекстан Илимлер Академиясы Математика институты илимий хызметкери Г.Жаббаровтың кандидатлық диссертациясы рәсмий оппоненти, 2010-жылы К.Кудайбергенов Өзбекстан Миллий Университети доценти Ю. Эшқабиловтың докторлық диссертациясы рәсмий оппоненти, 2011-жылы К.Кудайбергенов Өзбекстан Миллий Университети доценти Б.Закировтың докторлық диссертациясы рәсмий оппоненти.

Соның менен бирге Бердақ атындағы Қарақалпақ мәмлекетлик университети функционаллық анализ бағдары бойынша С. Сададдинова, И.Таджиев, Ж. Рузиев ҳәм М. Воисовалардың кандидатлық диссертацияларына жетекши организация болды.

Ҳәзирги күнде кафедра профессор-оқытыўшыларының илимий нәтийжелери сырт еллерде де тән алынып атыр. Буны кафедра ағзаларының илимий мақалалары шыққан төменде аты көрсетилген журналлардан көринип тур: Journal of Functional analysis, Journal of Mathematical Analysis and Apllications, Функциональный анализ и его приложения, Lobachevskii Journal Mathematics, Siberian Advanced in Mathematics, Известия ВУЗов, Математические заметки, Studia Mathematica, Central European Journal Mathematics, Positivity, Extracta Mathematics, Infinite Dimensional Analysis, Quantum Probability and Related Topics, Communications in Contemporary Mathematics, Journal of Operator Theory, Methods of Functional Analysis and Topology, Mathematica Slovaca, Linear Algebra and Applications, Annals of Functional Analysis.

Билимлендириў:

Бакалавр бағдары: 5130100-математика

Магистратура қәнигелиги: 5А130101- Математика

Профессор-оқытыўшылар қурамы 9.

Илим докторлары 1.

Илим кандидаты 3.

Грантлар

Темасы

Орынлаў ўақты

Ағзалары

Қаржы көлеми

1

Ёф-4-04. Векторная спектральная теорема для неограниченных операторов

2012-13

СейпуллаевЖ.,

Арзиев А., Қаландаров Т., Қурбанбаев Т.,

Алауадинов А.

45 млн. сўм

   
Фотогалерея